Abächerte Steinhausen
Am letztä Samstig sind miär Mythechroser uf Steinhausen ad Abächerte.
Treffpunkt isch am 17.15 gschminkt im Proberuum gsi. Vieli Chroser hend sich aber bereits scho früähner troffe zum zämmä chönä z schminkä. Diä eintä sind chli erfolgriicher gsi ander weniger. Wo de alli Chroser gschminkt und parad gsi sind ischs ab i Car uf Steihuusä. Miär hend we immer scho im Car eis Chäferfäscht gha mitänand. Diä eintä hed fröhlich de Schwarzipeter gspillt ander hend sich nu mentalisch ufä Uftriit vorbereitet und üsi super Meiorin hed natürlich au nu ganz ä tolle Witz verzellt wo allnä äs Lachä ufs Gsicht brunge hed. Acho z Steihuuse hemmer üs zerst mal chli ufem Fäschtareal erkundet und hend de au scho glii d Kaffestube entdeckt wo tiptop zu dem chaltä Wätter passt hed. Am früähe Abig hemmer den midem Monsterkonzert grad döffe das tolle Guggefäscht eröffnä. Zwee glungni Tänz hemmer gspilt und den simmer üs de am Grillstand gu Stärche. Am 21.00 hemmer de üse Hauptuftriit idä Halle gha. Nachem Uftritt hemmer de Abig nu midenand gnosse und guät Gfäschtet . Am 02.00 isch den de Car wieder retour uf Seebä gfahrä und für de eint oder ander ischs de nu wiiter gangä z schwyz im Mill und paar ander sind froh gsi hends den öbbä mal chönne gu pfuusä. Dankä tuusig Guggegmusig Wäichbächer für das tolle Fäscht bi üch:)
