Ruggernight Schüpfheim 2024

Geschätzte Dame,geschätzte Herren liebi Buure

Es wiitersmal nemmid mir de Friitig vom Fasnachtswuchened ih Ahgriff es heiss ap uf Schüpfheim. Die erste Chöpf gsend sich nachem Schmudo wider im Prooberum und brichtid vom gestrige glungnigä Abig. De wird wie immer gschminkt dasmer die erste Augering nümme so gsed, de Car chund, ihglade wird, igstige wird und de ap uf d Autobahn.  Aber als erstes wett ich mal üch nu chli öpis sege über ÜSI MITGLIEDER drum paar sache über alli .Als ersts verchündet de Remo allne das sies Lieblingstier de Iltis isch.  D Selina seid nei nei mis Lieblingstier isch eh Chatz, die sind vill schönner und knuddliger. d’Rahel meint ihr sind doch alli nid ganz dicht, miis isch s’Partyanimal und fad afe tanze. Cynthia meint scheiss uf die Tier ich wett jetzt eh Portion Tschinque Pie, ich ha hunger.  Ich bi de Marc und mii Lieblingstrick isch de Bürtzelbaum nur das es gad alli wüssid. Danke Marc für das Info. D Sereina lärmmt HE HE ich cha au eh guete Trick d Arschbombe ufe Hallebode, Achtung cha aber chli weh tue. De ganz Abig isch d Fraag scho ume gsi, was mer lieber wür „am Cyril sie gross Zeche is Muul neh oder am Schriiber go Naseböggne“. Carole rüeft vo hinne füre, ich nimme de Zeche gärä. Ich bi de Oli und ich wett au nu öpis sege“hüttigs Motto VOLLGAS“. Also mi Lieblingsbaum isch de Eukalythusbaum und ich bi d Alissa. Mir isches eh glich ich mues hütt eh ufem Kanabe schlafe, seid de Jussi. Wies so isch hed die eint oder die ander au nu si Senf dezue geh, ich cha jetzt leider da nid alles schriibe.

Aber ja zrugg zum Abig. Mir hockid immernu im Car er fahrt souverän mit 100 richtig Schüpfheim. D Stimmig chönnt nid besser si es wird gsunge, es wird tanzt und d Lara verzellt wie immer wies ablauft, wenn mir ahchömid. Was am Schulss vo ihrere Ahsprach natürli nid daff fehle isch de Witz wo sie immer vorbereitet oder ebe nid, will glacht hed eigentli niemert. Vlt klappts ja de richtig Mudon besser, sie hed ja jetzt nu 3 Wuche Ziit zum eine uswändig lehre. Guet, mir sind momentan gad am ihbiege richtig Parkplatz de Lieny rüeft isch das d Muotaaaa? Nei Lieny mir sind z Schüpfe das isch de Emme, aber schier. Ahhänger parkiert, Jäggli ahgleid, d Schue bunde und top motiviert usstiege usem Car. Zwei Minute und 32 Sekund wird gloffe und mir stönd vorem Ihgang. Bändli und Boooons werdid verteilt und es gad loos. Will mir so lieb und guet sind hend d’Ämmeruuger üs feini Schinkegipfeli und Chips parat gmacht, wies isch d’Lara und d’Daria beidi gad zwei ih de Hand. Alli sind go Inspektion mache durs ganze Gländ isch gloffe worde, jede Milimeter hemmer abgsucht dasmer au gwüsst hend wo da hütt überall öpis lauft. Scho ab de erste Sekunde sind all immer ih bewegig gsi, will wer eifach still gstande isch, isch eigentli direkt „zwaminiert“ worde, das heisst d Bei sind mitemne Kabelbinder zemebunde worde, dass mer nah de ganz abig bismer es Sackmesser gfunde hend so umeghüpft isch wiemer gad am Sack gumpe wär. Ah dere Stell danke Schwiizer Militär für Kabelbinder. „Zwaminiert“ worde isch: d’Marlen,  d’Aline, de Marcel und de Oli. Natürli sind nid nur Chroser und Chroserinne gfesslet worde sonder au eh Schübel vo de andere Lüüt hend döffe drah glaube. D Shotbar hed zogä, am Rad isch treit worde zum luege wievill as eh Shot chostet, eh gute hemmer gmacht und im Durchschnitt öppe 3 Franke zahlt. Dem entsprächend sind die einte de au scho zwäg gsi. Primetime gnau am 11ii hemmer afe spile, die ganz Halle präglet volle d’Stimmig isch ume. Doch bim ihlaufe rüehrts de einti scho schier ufe Latz, ja so es Pallet isch halt doch 15 cm höch und mer sött d Bei lüpfe. Egal mir hend üses Programm durezoge‘ dHütte ihgheitz und döffe eh wiitere super Uftritt erlebe. Instrument ih Goffere zrugg, ih Ahänger inne und de wider ap as Fest. „Mir hend nu zweihehalb Stund“ rüeft de Flo. Alli „jeeeeee de wider ap as Fäst“.  Plötzlich sind da  die einte oder die andere perfekti Tänzer und Tänzerinne. Ja es wird gmunkelt das die oder de einti oder anderi sehr Erfolg gha hed und d’tanzkünst zu wiiterem gscheh pracht hed. Ich wett jetzt da nümme meh is Detail gah. Item, au üsi akrobatische Turnübig sind wider zur geltig cho plötzlich isch ih de Halle meh es Turnfest gsi. De Marc chund z springe und rüeft“ wartid wartid ich zeige jetzt mi Trick“ und macht sie legendär Burzelbaum. Natürli hemmer au immer schön konsumiert und de Abig isch scho richtig zwei gange, langsam isch ufbruch Stimmig gsi. Mir sind zeme richtig Car und hend üs ufe Heiweg gmacht. Selte erlebt mer so es Bild, wie ah dem Abig, im Car. Es mues anschienend so sträng gsi si, das meh als d’Helfti schlaft. Ja und wies gschlafe hend so Schlafpositione, das cha ja nid bequem sii, keis wunder dued am nächste Tag allig öpis weh. Die andere, wo nu hend möge, hend im Car aber brav wiiter gfästet und  gsunge. De Car haltet plötzli z’Luzern was isch de jetzt? Ah d Cynthia wohnt ja da sie mues use. Doch isch sie allei use? De Busfahrer gid wider Gas, midem Ziel Proberum, uslade s Züüg verrume und alles perfekt parat legge dasmer morn gad wider parat sind, für uf Seebä. Was nu z erwähne isch gester hemmer nu usegfunde das ei Frau vo üs nu gli eisch z fride isch midemne trochnige Ästli zwei drüh und meint“ wow gell das isch eh schöne Bluemestruss“. Viele dank  das wärs gsi vom hüttige Abig z Schüpfe.

Bilder Hier!