50. Jubiläums GV
D’Fasnacht 2024/25 chund immer nöcher und das bedüüted au die alljährlich Generalversammlig stahd wieder vor de Türe! Das Jahr sogar nu wichtiger als schust… mier hend nähmli am 18. Januar 2025 üses 50 Jahr Jubiläum!
Amne typische Herbst-Samstig, so um die halbi 7ni, hend sich die erstä Mythächroser im Schützähuus richtig Muotathal versammled, während sich anderi nu verchleidet hend oder nu gwartet hend das ihres Gebastell nu tröchned.
Alljahr, a dä GV, gits bi üsnä Generalversammlige es Motto nach dem sich all verchleided. So sind also diversi luschtigi und Märchen-ähnlichi Chroser richtig Stoos gloffä. Under dene Verchleidige heds einigi kreativi oder au weniger kreativi gha, so sind sich mindestens 15 Zwergä und öppä 3 Schneewittchen im Pistolähuus begegnet, oder anderi wo sich gar nid hend chönne under dä Märli entscheidä wo de churzerhand eifach als Märlibuäch cho sind.
Nach dem denn usgchääsed worde isch wer etz zersch ufd Idee vu de Vertchleidig cho isch, hend sich denn all uf vier Bei und anä Tisch ghocked und so heds Punkt 7ni mitm Programm ahgfangä. S alleri erst isch verchündet worde wo das mer sich a Spirituosen, hauptsächlich Bier und Smirnoff, bedienä chan. Bevor mer sich denn ufs Buffet hed chönne stürtzä heds für jedä nu en arigä Salat gäh. Spätistens nachem 3. Mal holä heds denn au dä härtischtä Wettässer mögä gfuärä.
So heds denn churz nach dä 8i endlich mal mit de GV ahgfangä. Üsi Presidentin d Daria hed also ahgfangä und isch die wichtigste Sache wie d’Begrüessig und d’Entschuldigungä oder d’Ustritt duregangä. So hend mier das Jahr a de GV de Lieny Nideröst und d Carla Gwerder leider müssä verabschidä. Dankä üch villmal und hoffentlich gsed mer sich trotzdem wieder mal währed de 5. Jahresziit! Denn hed denn d’Daria au scho ihrä 1. Jahresbericht abglah. Nach vill freud und lachä ischs wiitergangä mit de Wahlä, dett isch eigentlich nur klatscht worde, heisst es sind all mit de Vorschläg vum Vorstand ihverstandä gsi. Als eine vu de letschtä pünkt isch de nu dä Kassäbricht vum Kassier (Oliver Schuler) zeigt worde. Der hed a dem Abig im Mythenforum für de Turnverein und einigi Zueschauer müsse olympisch gu vorturnä. Mit dem Bericht/Video hed er aber alli chönnä unterhaltä und schier dä legendäri Jahresbricht chönnä übertrumpfä. Nach dem isch nu, wie am afang vu de GV vum Urs Kessler, es Märli vum Vertreter vude Güdelmäntigerrott vorglese worde. Nach all dem heds nu Applaus für alli und bsunders für üsi Presidentin gäh.
Rangliste Verchleidig:
1.Platz: Florian und Carole als Schneeflittchen und die Sieben Zwerge
2.Platz: Celso, Cyrill, Ivo, Thomas und Remo als Märchenbücher
3.Platz: Conny und Manuel als Hensel und Gretel
Nach Beendung der GV wurde weiterhin im Schiessplatzhaus gefeiert und getobt. Für die, die auf Nummer Sicher ihren Hals auf Dichtigkeit prüfen wollten gingen anschliessend ins Dorf Schwyz wo die Mythenturner ebenfalls noch ein Fest hatten.
Adieu, goodbye, auf Wiederseh’n und Tüdelüüü
Bilder hier!
