51. GV

51. Gugge GV 2025

Scho wider isch es ändi Oktober und somit staad d Guggä GV vor dä Türe! I dem Jahr findet üsi GV im Eventruum vom Beck Roman z Seebä statt. Üses Motto das Jahr „Hier könnte Ihre Werbung stehen!“

Ich ha wieder einisch meh vestgstellt as mier sehr kreativi Chöpf hend i üsärä Guggä. Es hed vieles gäh Ricola Wärbigä, Sässeliftmastä Wärbigä, Coca Cola Wärbigä, Bepanthen Wärbigä oder au ganzi Wärbesüülänä und nu vieles meh. Zerst heds mal en stärchig gäh Älplermagronä sind uf em Menü gstandä. Sehr fein gsi!! Dankä!

Nah hed scho gli d GV ahgfange. Nach es paar traktandä isch scho es Highlight uf em Programm gstandä. Dä Jahresbricht das Jahr hed üsi Präsidäntin us ihrem Guggätagebuäch verzellt und hed üs numal d Highlight vo dä vergangänä Saison verzellt. Supper gsi dankä Daria!

Nah heds scho glii d Pause gäh, dä Höhepunkt vo derä Pause isch ä mega feini Cremschnittä gsi.

Nah isch scho z Traktandum Mutationen uf em Programm gstandä. Leider verlönd us dä Thomas, dä Cyrill und dä Ivo, dankä für diä cool Ziit mit üch und hoffentlich uf gueti Passivmitglieder 😉

Im Vorstand heds au nu Zwei änderigä gäh zum eine isch de Kassier Oliver abglöst wordä vo dä Alissa und zum andere isch d Tamara nü im Vorstand, sie übernimmt nü s ämtli vom Festwirt a dä Dorfbächlerchilbi.

Denn heds nu 3 Ehrigä gäh, zerst sind d Lara und dä Ivan gehrt wordä für ihrä unermüädlich Ihhsatz für üsi Guggä. Nachher isch d Rahel nu gehrt worde unserem Traktandum „Ehrungern die keiner braucht“ …. Ihres Guggägwändli hed nämlich letzt Saison en chlinä Uusflug uf Dütschland gmacht… für nöchäri Infos fragid iher si am bestä sälber.

So das wärs au gsi mit em Offiziellä teil, dä eint oder ander heds nu i Proberuum verschlagä zur Afterparty.

Hie chömeder zu de Fötali.