Probeweekend 2024
D’Fasnacht 2024/25 chund immer nöcher und das bedüütet s‘Probeweekend staad wieder vor de Türe! Das Jahr sogar nu wichtiger als schust… mier hend nähmli am 18. Januar 2025 üses 50 Jahr Jubiläum!
Pünktlich am 9ni hemmer mit dä erste Gsamtprob im Eseltritt i dä nöchi vom Ibergerggpass gestartet. Nach es paar Stund probä isch ä scho z‘Mittag Ziit gsii di meistä hend sich es Cordonbleu im Restaurant Oberberg gönnt und de rest hed sich im Lagerhaus selber verpflegt.
Am Namittag isch denn ä nu fliissig wiiterprobt worde bis üs s‘sogenannte „Gabi“ bsuächt hed. Mier hend all nid schlecht gstuunet, wo si üs umbedingt hed wellä mitteile, as si nid so freud hed a üsärä musig und üs doch empfiehlt d Ziit meh am Bier trinke z widme als am probä. Natürlich so ahhständig we mier sind, hemmer das z härzä gnoh und umgsetzt! Aso….. Meh oder weniger.
Scho glii heds Spätzli mit feinem Bratä und Gmüäs zum z‘Nacht gäh… Sehr fein gsii!
Nachm z‘Nacht hemmer nu eisch ä Prob gmacht und nah hend scho wieder diä legendäre Pröbispiili statt gfunde. Tamara, Sofia, Emma und André ihre hend das Supper gmacht!
Wo s‘Pflichtprogramm verbi gsi isch hemmer üs a dem gewidmet wommer am bestä chönd und zwar „fästää“! Dä Technobunker isch so lang supper gsi bis d’Näbelmaschine halt chle z‘vill Näbel produziert hed und bis id Zimmer ufe hed mögä. Dummerwiis hed der Näbel denn churzum dä Rauchmälder uusglöst. :0
Go schlafe sind uusnahmswiis mal alli nur heds für di eintä meh und für di andärä weniger Schlaf gäh. S z‘Morgä isch wieder eisch meh sehr lecker gsi, es hed underanderem Rührei, Späck und Reste vom z’Nacht gäh. Nah hemmer wider üsi Trööti usw. packt und hend üs wieder für d Probä parat gmacht. Zwüschet dä Probä hemmer nu d Zimmer uusgrumt und d Pröbis + Ivo hend d‘Ehr gha d WC‘s und dä Uufenthaltsruum z‘putzä! Dankä!
Nachdem hemmer nu einisch probät und nah heds ä scho z‘Mittag gäh, wer vo dä Chuchi vorbereitet worde isch. Dankä Selina, Conny und Reto!
Di letzt Prob isch verbii und z‘Feedback vo üsärä Majorin isch sehr Positiv, da hemmer natürlich mit guetem gwüsse hei chönnä!
Bilder gfindsch hiä!
