Beerpong Turnier Vol. 2

Beerpong Turnier Vol. 2

Ändlich! Die Vol. 2 vom Beerpong Turnier, gad numal im gliiche Jahr. Wieder sind über 30
Aktiv- & Passivmitglieder, potenzielli Nüümitglieder, Guggäfründä oder susch Beigemüse
ihtruddlet. Mit de grossä Spannig, d Füdläbaggä zämäprässt, hedmä gwartet bis de Name
usem Löslitopf zogä wordä isch und hed mitmene Schmunzlä am Spielpartner id Auge gluegt.
Na ischs losgangä, Bäll sind nurnu gflogä, bide einte Teams au würklich i Bächer, bi andere
meh ad Wänd, a Bodä oder öppä anes Chöpfli.
Mitere Znachtstärchig vo Grillade ischs de id Usscheidigsphase gangä. Leider für vill denn
verbii gsi. Für d Amateurä s Verlüürerpokal-Duell, für d Profis denn de grossi Final.
Wos de verbi gsi isch und die meiste d Niederlag verdaut hend, isch nu zümpftig bhauptet,
gsungä und gfäschtet wordä.
Danke fürs Organisiere! Danke allne für üches Teilnäh – Vol. 3 folgt

 

Hiä gads zu de Fötäli!