Beerpong Turnier

Am letzte Wuchenänd hed sich de Proberuum vode Mythechroser in en Arena voller
Teamgeist und erstundlich vielne verfehlte Würf verwandlet. Insgesamt 32 hochmotivierti
Teilnehmerinnen und Teilnehmer, öb Passiv Mitglieder, Kolleginne und Kollege oder
Altchroser, sind zum grosse Bierpongturnier atrette. Dur üsi Glücksfee de Silbert sind Teams
usglost worde. Durdas sind ganz nüi und spannendi Kombinatione entstande wo für viel
Abwechslig und für einigi unerwartet starki Duos gsorgt hend. Scho vo de erste Rundi ah isch
klar gsi, es stad nid nur de Ehrgiiz im Vordergrund sondern vielmeh de Spass und d
Gmeinschaft. Es isch glacht, mitgfieberet und jede Treffer gfiired worde. Mit jedere Rundi
hed d Spannig zuegno und bsunders ide Finalspiel isches nomal so richtig intensiv worde,
bevor den de Oliver und d Rahel sich hend chönne duresetze und de Pokal für ihres Team
sichere. Es bsunders Higlight isch d Siegerehrig gsi will es sind nid nur d Gwünner mitemne
Pokal belohnt worde sondern au s letztplazierte Team hed de tolli Tag mitemne Verlierer
Pokal döffe beende 😉 S Bierpongturnier isch en riese Erfolg gsi. De Tag isch voller guete Lune,
faire Spiel, unvergessliche Moment prägt gsi und öppis stad jetzt scho fest, mir freued üs alli
scho riesig ufs nächste Jahr!

Fotos gibts hier!