Timpel-Gäischter 35. Jahr Jubiläum

Am 10.01.2026 hend mier Mythechroser döffe üse ersti Uftritt im nüä Jahr bide
Timpel-Gäischter ihrem 35-Jahr Jubiläum z Brunne ha. Am 17.00 hend mier üs ufem
Gmeindsparkplatz z Brunne troffe. D Majorin Flurina hed üs de Ablauf vum Abig
ufzeigt und den hemmer üs scho ufs Festgländ begää. Vieli Chroser sind als ersts
grad mal id Kaffestube und hend sich mitmene feine Kaffe-Schnapps ufgwärmt vu
dem chalte Wetter. Vor üsem erste Uftritt am Guggemarathon hemmer nu döffe äs
feins Guggeznacht ässä. Am 7nii heds den gheisse Uftritt! Mier hend zwei Lieder
gspilt und hend döffe z fridä sii mit üsem Uftritt. Nachem Uftritt hemmer z Festgländ
numal erkundet die einte hend sich nu äs feins Chnoblibrot gönnt die andere sind
lieber vor de Baar gsi und ander hend sich sehr fescht gfreut ab dem viele
Nüüschnee wos gä hed. Am 22.30 hemmer den üse Hauptuftritt gha, äs hed fescht
gschniit aber das hed üs und so wes usgsee hed au z Publikum nid gross gstört.
Nachem Uftritt hemmer de Abig nu la usklingee lah hend viel tanzt, gsunge und
mitenand nu ganz en schöne Abig verbrunge. Da z Fescht so idä nöchi gsii isch isch
fürs Heigaa jede selber verantwortlich gsii. Viel Chroser sind uf de Bus und hend den
de Heiweg au nu im tüüfe Schnee gfunde.
Danke Timpel-Gäischter für das tolle Jubi wo mier hend döffe mit üch fiirä.

Hiä gads zu de Fötäli!