Rampassä 35. Jahr Jubiläum

De Samstig Abig simmer mal bim Jubi vode Rampasse go ine luege. Willmer so nöch gha
hend, hemmer üs am Punkt 20:32Uhr grad direkt vorem Mytheforum troffe. 1.Ufgab isch gsi,
ds Instrumentedepot ufsueche und mit allne Instrument dur die 27 Türene ds cho. Nach
ahschliessende kurze Infos, undem wüsse, dasmer erst am 00:20 Uhr spieled, hemmer denn
die Bare unsicher gmacht. D Ziit isch wie im Flug dure, und es isch sowiit gsie, d Rampasse
hend ihre Uftritt gha. De isch sehr ihdrücklich gsie. So viel Lüüt uf dere Bühni am musigä.
Was aber fast nu ihdrücklicher gsie isch, isch ds Barpersonal zu dere Ziit. De Marcel hed
sich selbstlos wenner isch zur verfüehgig gstellt, werendem Rampasse-Uftritt d Shot-Bar ds
schmeisse. Er hed sich sehr müeh gäh, d Gäst nid ällei la Shöttle und drum au immer mit
drunke. Ds Shot-Spieli hemmer defür au gwunne. Liiid viellicht drah, dass de Marcel mit de
Strichli chli grosszügig umgange isch. DANKE VIELMAL MARCEL. So isches wiitergange
und es isch de doch aunu 12i worde. D Alarmglogge hend glütte und mer hed gmerkt
dasmer ja aunu sötted spiele. Mer hend den nach denne Paar Lieder uf de Bühni schnell
gmerkt, dases Lüüt gid, wo nümme so ganz gwüsst hend was sie mönd spiele oder wie mer
überhaupt spielt. Zuefälligerwiis, de nu gnau die guete, Selbstlose Lüüt, wo d Shotbar
gschmisse hend. Nachem Uftritt simmer de nu bis id Herregass füre gwandered und hend
det d Instrument bim Marc id Garage gstellt. Zrugg am Fest sind de wieder Bierdosene über
d Theke gwandered und mer hed de Sicherigschaste gfluetet, Helm lagiert, d Muetersprach
verlernt, oder halt eifacht so tanzed, we de Remorgida. Punkt 03.00Uhr isch de aber de ganz
gspass verbi gsi. D Musig weg, Liecht ah, und d Security vor Ort. Rackzack isch die Hütte leer
gsie. Ds Uffangbecki vo Betrunkne Lüüt wo nunid hei wend, hed de wieder Zuegschlage und
d 7Sieche-WG hed nu paar Lüüt verchöstiged. En halbe Hüenerbuur heds brucht, zum so
viel Chicken-Nuggets ds produziere aber es hend alli gnueg gha und mer isch de au go
ligge.
Dienige Abig gsie, Danke Rampasse.
Treu Mythechroser, Mythechroser treu.

Hiä gads zu de Fötäli!