Negus Gesellschaft 90 Jahr Jubiläum

90 Jahr Negus-Gesellschaft Seewen

Am Fasnachtssamstig simmr z Seewe gsi bide Negus. Ires 90 Jahr Jubiläum hend
sie mideme Umzug am späte Nami so richtig lanciert. Trotz schlächtem Wätter
isch scho schön Stimmung gsi. Zum Glück hemr en früäi Nummere gha und
hend nid ewig müäsä am Start warte. Dank üsem früänere Mitglied em Lieny
und irem MB-Truck hend mier au en Mitfahrgelegenheit gha. Im Vorhinein
hend 3-4 Chroser a verschidene Äbig a dem geniale Wage buut. Viiil Lüüt
hedmer strahle gsee, öbs wägm schönä grüäne Traktor gsi isch odr wäg üsne
guete Tön, weissi nid….
Nachm Umzug simmr de witer is Fasnachtsdorf uf Underseewe, det heds de au
öbis z ässä gäh und mier hend üs chönä stärche ide Kaffeestube. Natürlich heds
au hiä immernu gseicht. Am Abig hemr de döffe zämä mid de Guggemusig
Urmischlegel dur Seewe zieh. Mid Bsüäch im Clovers, Gaswerk und
Fasnachtsdorf isch de Abig au sehr rasig verbi. Zämä hemr dete s eint odr
andere Stückli zum beste gäh. De Abschluss vor de Chilä bide Seerütihalle am
Abig am 12ii hed dä de offizieli Teil vu üs besieglet und sind i Proberuum gu
Versorge.
Cool ischs gsi, en Dank gad ad Negus, ad Urmischlegel und vorallem am Lieny

Hiä gads zu de Föteli!