1. Fasnachtstag

Fasnachtsbericht 1. Fasnachtstag

Hütt simmer früe uf. Wie all Jahr heds am Punkt 0500 klepft und mir hend besti Guggekläng, ih de Mangelegg obe, zum feinste geh. De simmer los gässlet dure Dorfbach appe. Häl isch gsi, so häl, das öper mit de Chuchi gad hinne use ghiid isch. Wie all Jahr hemmer für üsi Ehremitglieder Von Euw, wo ufem weg liggid, au eis gspillt. Nachdem hemmer wider d Ehr gha, s zMorge bim Kessler go esse. Wow, eh riise Brunch heds geh. Danke Vill mal. Mir sind de mit vollnä Büch wiiter richtig Mything. De ganz Morge simmer durs Dorf gässlet und vo Beiz zu Beiz. Vill gjasset, plagiert und bäsnet isch worde. Im Engel hemmer de döffe s zMittag esse, feins Schnipo heds ghä. Mit liechter Verspätig simmer am Nami wiiter gässlet und hend am 14.30 ufem Hauptplatz üse Uftritt, bi schönstem Wetter gha. Nach dene feinste Guggekläng simmer wider wiiter gässlet und hend nu ei zwei Beize bsuecht, bismer de im Hirsche Burger zum z Nacht gha hend. Nachem z Nacht simmer nu es letzt mal wiiter und sind zum Schluss nu is Mill. Die wo nu nid gnueg gha hend, hend nu eh Schlummi im Höfli gnu. Wow eifach eh super 1. Fasnachtstag gsi. Danke

Zu de Fötäli gads hiä!